Өнөөдөр Олон улсын охидын эрхийг хамгаалах өдөр тохиож байна. Энэхүү өдрийг дэлхий даяар эрх нь зөрчигдөж байгаа охидод туслах, тэдний эрх тэгш боловсрол эзэмших, сурч хөгжих, эрүүл мэндийн туслалцаа авах боломжийг нэмэгдүүлэхээр 2012 оноос жил бүр тэмдэглэсээр иржээ.

Т

ус өдрийг тохиолдуулан Нийслэлийн Засаг даргын Тамгын газар, Нийслэлийн Иргэдийн Төлөөлөгчдийн Хурал, Нийслэлийн Боловсролын газар, Нийслэлийн Гэмт хэргээс урьдчилан сэргийлэх ажлыг зохицуулах салбар зөвлөл, “Манлайлагч охидын клуб” НҮТББ хамтран “МАНЛАЙЛАГЧ ОХИДЫН КЛУБ”-ын уулзалт, нөлөөллийн үйл ажиллагааг зохион байгуулж байна.

Уулзалтад нийслэлийн ерөнхий боловсролын сургуулиудын 9-11 дүгээр ангийн сурагч охид оролцож, өөрсдийн дуу хоолой, үзэл бодлыг зөвөөр илэрхийлэх, иргэний нийгэмд хүргэх, тулгамдаж буй асуудлаа шийдвэр гаргах түвшинд танилцуулахаар чуулж байна.