2022 оны 2 сарын 1-ний Ээлжит бус чуулганаар тэтгэврийн доод хэмжээг нэмсэн. Энэ нэмэгдэл тухайн үедээ сайн мэдээ байсан боловч Монгол Улсын Засгийн газар эдийн засгийг буруу тооцож, буруу удирдсаны үндсэн дээр ханш унасан.

Ахмадуудын 80 хувь нь хамгийн бага хэмжээгээр тэтгэврээ тогтоолгосон. Тухайн үед 350 мянган төгрөгөөр авч байсан бараа бүтээгдэхүүнийг өнөөдөр 500 мянгад авч чадахгүй хэмжээнд хүрлээ. Ихэнх барааны үнэ 40-50 хувь нэмэгдсэн. Энэ нь ахмадуудад маш хүнд тусаж байна.

7 жил тогтвортой ажил хийдэг хүн ховор байгаа шүү. Тэтгэврийг тогтоохдоо 7 биш 5 жилээр боддог хуулийн төслийг хэлэлцэж өгнө үү. 2023 оны Улсын төсөвт зургаан тэрбум төгрөг гаргаад ахмадуудынхаа тэтгэврийг нэмж өгөөч ээ. Хөшөө дурсгал босгохын оронд ийм ажлуудыг хиймээр байна.