Эргэн сануулбал, одоогоос долоон сарын өмнө буюу дөрөвдүгээр сарын 25-нд манай улсын шилдэг, залуу дөрвөн тамирчин БНСУ-ын волейболын дээд лигийн шалгаруулалт болох гадаад тамирчдын сонгон шалгаруулалтад оролцсон юм. Тэд бол Т.Хангал, Б.Батсуурь, Б.Баярсайхан, Э.Энх-Эрдэнэ нар. Харин энэхүү шалгаруулалтад тэдний хоёр нь буюу Б.Баярсайхан, Э.Энх-Эрдэнэ нар тэнцсэн юм.
Тэгвэл тэд одоо БНСУ-ын волейболын дээд лигийн тэмцээнд амжилттай өрсөлдөж байна. Тодруулбал, Б.Баярсайхан лигийн бүх тоглогчдыг хаалтын үзүүлэлтээр тэргүүлж топ 5 хаагчийн эгнээнд багтаад буй. Харин Э.Энх-Эрдэнийн хувьд тус улсын голлох цахим платформ болон “Naver”-т хамгийн их хайлттай тамирчнаар нэрлэгдсэн юм.
Д.Мөнхбат
www.eguur.mn
