Засгийн газрын ээлжит хуралдаан өнөөдөр /2024.02.28/ Төрийн ордонд хуралдаж байна. Хуралдаанаар цаг үеийн асуудал болон бусад сайд нарын мэдээллийг сонсох юм. Өнгөрсөн долоо хоногт Засгийн газар хуралдаагүй. Учир нь Засгийн газрын сайд нар өвөлжилт хүндэрсэн орон нутагт томилолттой байсан учраас Засгийн газрын хуралдааныг хойшлуулсан.
Улсын хэмжээнд нийт нутгийн 80 гаруй хувьд цасан бүрхүүл тогтоод байна. Засгийн газраас хаваржилт хүндэрч, зудын байдалтай болсонтой холбогдуулж гамшгаас хамгаалах өндөржүүлсэн бэлэн байдлын зэрэгт шилжүүлээд байгаа билээ. Хаваржилт хүндэрсэн аймаг, сумдад хүргэх өвс, тэжээл ачсан цувааг эрчимжүүлж байгааг албаныхан мэдээлсэн.
