ГССҮТөвийн Гавал тархины гэмтлийн тасгийн эрхлэгч Л.Дагвадорж, их эмч Ж.Төгөлдөр, Б.Лхамсүрэн, Г.Ариунболд нарын мэс заслын баг Монголд анх удаа “Suction bovie” багажийн тусламжтайгаар гавал тархины хүнд гэмтэлтэй үйлчлүүлэгчийн гавал тархины хатуу хальсан доорх цусан хурааг дурангийн аргаар авах мэс заслыг амжилттай хийж нэвтрүүллээ.
Энэхүү орчин үеийн дэвшилтэт мэс заслыг нутагшуулснаар өвчтөний биед хөнөөл багатай, жижиг зүслэгтэй, гавлын ясны дутмагшил бага үүсэх, хөдөлмөрийн чадвар алдалт бага байх зэрэг олон ач холбогдолтой юм.
Монгол хүний эрүүл мэндийн төлөө ур чадвараа зориулан ажилладаг ЦАГААН НӨМРӨГТ БААТРУУДДАА баяр хүргэж, амжилт хүсье.
